اعرفكم بنفسي اني مريم من محافظة ديالى مقيمة بتركيا من 7 سنوات .. عمري 24 سنة خلصت السادس الاعدادي ومستمرة اكافح حتى احصل قبول بالجامعة لدراسة الهندسة المعمارية.
احب ركوب البايسكل .. وقراءة الكتب والاطلاع على مجالات مختلفة مثل علم النفس وتطوير الذات والخيمياء والجيولوجيا والتاريخ والاثار والخرائط والسياسة😁🤭.
وتعلم اللغات ملعبي 😉😊كلش احب اللغات لانها تساعد على صقل شخصياتنا والاندماج في المجتمعات الاخرى.. تعلمت الانگليزية والتركية وحاليا داتعلم اللغة الالمانية والفارسية ..
واكو عبارة تقول :
" من تعلم لغة قوم امن شرهم"
بس اني غيرتها شوي الى
"من تعلم لغة قوم عاش مسرورا بينهم"😅
من جيت على تركيا وتخربطت مسالة دراستي واني دراستي كلها اون لاين او انتساب وهالشي جان دائما يسبب لي الملل والتعب، بالتالي الامر قادني الى التحديات .. صرت شخص دائما يتحدى نفسه للدراسة لتطوير ذاته .. لتعلم مهارات جديدة .. خلق وهدم عادات ايجابية وسلبية وهكذا ..
وخلال رحلتي بتطوير الذات قريت اقتباس والي كان :
Tell me who you walk with, and I'll tell you who YOU ARE.
قل لي من تصاحب اقل لك من انت .
وهنا بديت انتبه على الصفحات والاشخاص الي متابعتهم على منصات التواصل الاجتماعي .. وهنا قررت اغير محيطي لمحيط افضل واكثر الهام وطموح.
ومن ضمن الاشياء الي سويتها ان تابعت صفحة مرتضى التميمي الي كانت سبب بوجودي بهالتحدي .
طبعا بالفترة الاخيرة اكتشفت ان محيطي الايجابي والملهم فقط على منصات التواصل الاجتماعي وهنا مرة ثانية قررت ان ابني محيط ملهم ولكن على ارض الواقع واكون صداقات تزيد واقعي جمال والهام .
وهالتحدي خلاني اتعرف على اشخاص رائعين متواجدين بتركيا والي نطاني فرصة ان التقي بيهم بيوم من الايام .
اما تحدي ال29 يوم فقررت من خلاله ان اخذ اول خطواتي تجاه الهندسة المعمارية المجال الي كلش متحمسه ان ادرسه واكون مميزة بيه .
فقررت ان ادرس الرياضيات واطور نفسي بيه اكثر
واتعلم الرسم ، واركز بشكل خاص على الرسم الهندسي .
وفعلا كسرت الخوف بيني وبين الرياضيات وكمت احل المسائل الرياضية وكل ما اوگف عند مشكلة معينة ابحث عنها والگي طريقة وحيلة جديدة لحلها وهالشي زاد من ثقتي بنفسي بمسالة الرياضيات لان سابقا جنت احسه منصة اعدام بدون مبالغة😅😅😅 .
بس هسه اكيد صرنا صحاب وحبايب😉😍.
والرسم بديت بيه من الصفر وتعلمت انواع الخطوط والمنظور وانواع اقلام الرصاص وتدرجاته للتضليل .. وبديت ارسم عدة رسمات وايدي صارت اقوى والخوف الي كان دائما يمنعني عن الرسم طار وتبخر الحمدلله 🤭.
هالتحدي علمني الالتزام .. علمني الصبر لاتقان التفاصيل .. علمني ان ماكو شي صعب ومستحيل اذا نحاول .. وان فعلا في الوحدة قوة لان اكيد كلنا ساهمنا بخلق هالمناخ الايجابي المليئ بالارادة والعزيمة والامل.
ممتنة الك مرتضى على هالمبادرة الرائعة الي سويتها
ممتنة لكل شخص عرفته بهالتحدي ولكل شخص ساهم بخلق هالجو الايجابي ..
ممتنة للاصدقاء الي عرفتهم عن قرب خلال هالتحدي
- زنوبة رفيقة الطموح والهندسة المعمارية
- مروة صاحبة الصوت المليان ذبذبات ايجابية.
😍😍😍😍😍😍
راح اكدر اشاركم نتائج الرسم لانها اكثر وضوح
قبل
بعد :
ووواووو 🤩🤩🤩 كل التوفيق
ردحذفتسلميين حياني والج بالمثل😍😍😍
حذفحبيبة روحي ومهندستي المبدعة احبج 💋💋
ردحذفحياتيييييي احبج
حذفالتطور🔥🔥🔥
ردحذف😍😍😍😍😍
حذفعاشت ايدج
ردحذفاشكرك اوس 🌺🌺
حذفابداااااااااع والله
ردحذف😍😍😍😍😍
حذف